Msajili wa vyama vya siasa nchini atoa ya moyoni juu ya CHADEMA

Msajili wa vyama vya siasa nchini, Jaji Francis Mutungi, amekionya Chama cha Demokrasia na Maendeleo (CHADEMA) kuhusu mikutano ya hadhara na maandamano yanayotarajia kuanza Septemba 1 mwaka huu.

Alhamis hii, Mwenyekiti wa Chadema taifa, Freeman Mbowe alitangaza maazimio ya Kamati Kuu ya chama hicho iliyoketi kwa dharura huku kufanyika kwa mikutano ya hadhara na maandamano kote nchini kuanzia Septemba 1.

Mbowe aliwataka viongozi wa Chadema katika ngazi zote hapa nchini, wabunge na madiwani kufanya maandalizi ya mikutano na maandamano huku pia akitangaza kuanzishwa kwa Umoja wa Kupinga Udikteta Tanzania (UKUTA).

Hata hivyo, Jaji Mtungi mapema hii leo amevieleza vyombo vya habari kuwa, “tamko la Chadema limejaa lugha ya uchochezi, kashfa, linaloudhi na lenye kuhamasisha uvunjifu wa amani.”

Pia amewaeleza kuwa sheria ya vyama vya siasa namba 5 ya mwaka 1992 katika kifungu cha 9 (2) (c) inakataza chama chochote cha siasa hapa nchini kutumia na kuhamasisha matumizi ya nguvu au vurugu kama njia ya kufikia malengo yake kisiasa.

“Si hayo tu, bali pia kifungu cha 9 (2) (f) kinakataza chama cha siasa kuruhusu viongozi au wanachama wake kutumia lugha ya matusi, kashfa na uchochezi ambao unaweza kusababisha kutokea kwa uvunjifu wa amani,” amesema Jaji Mutungi.

Mvutano baina ya Chadema na jeshi la polisi juu ya kufanyika kwa mikutano ya hadhara umekuwa ukiendelea kwa muda sasa, kufuatia jeshi hilo kutoa tangazo la kuzuia mikutano ya hadhara Juni mwaka huu kwa madai ya kuwepo kwa viashiria vya uvunjifu wa amani.

Read More

Kijana mbaroni kwa kumtukana Rais Magufuli hadharani

Mgomo wa daladala Jijini Mwanza umesababisha kijana mmoja Jijini humo kutamka lugha chafu ndani ya gari ambayo alipewa lifti limemsababishia kuishia mikononi kwa sheria.

Kamanda wa Polisi Mkoa wa Mwanza, Ahmed Msangi akizungumza katika kipindi cha East Africa Breakfast dereva wa wa gari likitoa lifti Hassan Bushagama mkazi wa Buhongwa Jijini Mwanza asema alipofika eneo la Buhongwa akiwa na usafiri wake aina ya Toyota Noah kutokana mgomo wa daladala aliamua kutoa lifti kwa abiria aliowakuta hapo.

"Walipanda watu kama nane ambapo Dada mmoja akasema watu walivyo hawatakawia kusema Rais Magufuli ndiye anatakiwa aulizwe,kijana mmoja wa umri wa miaka kama 27 au 28 hivi akadakia akasema Rais ni '******** 'mzee mmoja akamwambia kijana tengua kauli lakini akakataa na kusisitiza ,abiria wakataka kumpiga nikawaambia mwacheni tumpeleke 'polisi " Amesema Bwana Bushagama.

Bushagama ameendelea kusema kwamba "Baada ya hapo niliendesha gari langu hadi kituo cha polisi tulipofika pale nikawaambia polisi hali halisi askari akawahoji abiria wakaelezea hali hiyo na yeye alipoulizwa akasema ,amesema hivyo lakini hakujua kama ingepelekea kufika huko.

Aidha Bushagama ameongeza kuwa wameamua kusitisha kazi zao na kuonesha uzalendo ili kuonesha kwamba Rais hawezi kutukanwa namna hiyo.

Kwa upande wake Kamanda Wa Polisi Mkoa Wa Mwanza Ahmed Msangi amethibitisha kutokea kwa tukio hilo na kusema kwama kijana huyo amejitetea na kusema kwamba alisema alimaanisha wanaogoma wanajifanya wapumbavu lakini Rais ni ******** zaidi yao jambo liliwakasirisha wenzake na kuamua kumfikisha kituo cha Polisi.

Kamanda ameongeza kuwa suala hilo tayari limefikishwa Polisi kitachoendelea ni ushahidi ukitosheleza kijana huyo atapelekwa mahakamani.

Read More

Hatimaye Msanii Ney wa mitego kasalimu amri

Msanii wa muziki wa Hip Hop, Nay wa Mitego ameanza kutekeleza baadhi ya maagizo aliyopewa na Baraza la Sanaa la Taifa baada ya kufungiwa kwa wimbo wake wa ‘Pale Kati’.

Rapper huyo alipewa adhabu hiyo pamoja na kulipa faini ya shilingi milioni 1 baada ya kukutwa na makosa matatu likiwena la kutojisajiri katika baraza hilo.

Katika taarifa aliyotoa Nay wa Mitego, ameonyesha kujuta huku akiwaomba radhi mashabiki wa muziki wake kama ambavyo aliagizwa na BASATA.

“Wakati naandika wimbo “Pale Kati” nilikua nimeangalia nyimbo zilizowahi kutoka nyuma na zilizoko sokoni sasa, sikuona kama mistari yake ina matatizo. Lakini baada ya kukaa pamoja na kusikiliza mstari kwa mstari tumegundua kwamba kuna baadhi ya mistari ilikua ina maneno makali. Hivyo basi naomba radhi kwa mtu yeyote alieumizwa au kukwaza na mistari hiyo. Tusikilizie kifuatacho.!! “Pale kati” jamani,” aliandika Nay wa Mitego kupitia instagram yake.

Pia rapper huyo ametakiwa kujisajiri katika baraza hilo pamoja na kuachana na kuimba vyimbo ambazo zinawazalilisha akina dada.

Read More