Rais Magufuli ataka Watanzania wasitishane Kuhusu Corona na badala yake wachukue tahadhari

Rais wa Jamhuri ya Muungano wa Tanzania, Mhe. Dkt. John Pombe Magufuli amewataka Watanzania kutotishwa na janga la ugonjwa wa homa ya mapafu inayosababishwa na virusi vya Corona (Covid-19) na badala yake waendelee kuchapa kazi na kujenga uchumi huku wakizingatia tahadhari zote za kujikinga kuambukizwa ugonjwa huo kama zilivyotolewa na wataalamu.

Mhe. Rais Magufuli amesema hayo leo tarehe 22 Machi, 2020 alipohudhuria Ibada ya Jumapili katika Kanisa la Mtakatifu Paulo wa Msalaba, Jimbo Kuu Katoliki la Dodoma, iliyoongozwa na Paroko wa Parokia hiyo Padre Onesmo Wisi.

Katika salamu zake katika Ibada hiyo, Mhe. Rais Magufuli amesema kuwepo kwa ugonjwa wa Corona isiwe sababu ya kutishana kiasi cha kumsahau Mwenyezi Mungu, hivyo ametoa wito kwa Wakristo na Waumini wa madhehebu mengine kumrudia Mwenyezi Mungu ili aepusha janga hili, badala ya kumwacha shetani atawale.

Mhe. Rais Magufuli amekemea tabia za baadhi ya watu wanaofanya mzaha juu ya ugonjwa huu ama kuwatia hofu wananchi kupitia vyombo vya habari na mitandao ya kijamii, na badala yake ametaka Watanzania waendelee kuchapa kazi huku wakizingatia tahadhari.

“Watu tusitishane, tunatishana mno. Niwaombe ndugu Wakristo na Watanzania kwa ujumla wa Madhehebu yote, huu ndio wakati mzuri sana wa kumtegemea Mungu kuliko wakati wote, tuendelee kuchapa kazi, tuendelee kuujenga uchumi wetu, hatuwezi kusalimu amri kwa ugonjwa huu wa Corona na kushindwa kumtegemea Mungu na tukashindwa kuendeleza uchumi wetu” amesema Mhe. Rais Magufuli.

Amewashukuru viongozi wa Dini kwa kuungana na Serikali katika kuwahamasisha wananchi kuchukua tahadhari na ametoa wito kwa viongozi hao kuendelea kuliombea Taifa ili Mwenyezi Mungu aepushe balaa hili la Corona.

Gerson Msigwa

Mkurugenzi wa Mawasiliano ya Rais, IKULU

Chamwino

22 Machi, 2020

Read More

Huu ndio mkwanja wanaovuta Singida United kutoka kwa wadhamini wote

Timu ya Singida United imerejea kwenye ligi msimu huu baada ya kusota bondeni kwa muda mrefu, lakini wamerejea kwa kishindo kwa kuwa ni miongoni mwa vilabu ambavyo mfuko wao wa salio umetuna kutokana na pesa za wadhamini.

Singida wana wadhamini rasmi watatu (YARA, SportPesa na Puma) wana wadau pia wanaowawezesha kama NMB Bank, DTB Bank na Oryx wote hao wanaingiza mtonyo ndabi ya Singinda United huku klabu hiyo ikitarajia kutangaza wadhamini wengine wawili hivi karibuni.

Mkurugezi wa Singida United Festo Sanga ametaja wadhamini na wadau wote wa klabu yao na kiasi cha pesa wanachowapa kwa mwaka.

“Tuna udhamini mkubwa kutoka YARA ambao wanatoa zaidi ya shilingi milioni 300 za Tanzania kwa mwaka mmoja, tuliwafuata na walikuwa mwisho kwenye budget yao kwa hiyo wametuahidi kwenye budget ijayo mambo yatakuwa mazuri zaidi,” Festo Sanga.

“Mmdhamini wetu mwingine ni SportPesa ambaye anatoa zaidi ya shilingi milioni 250 kwa mwaka. Udhamini mwingine tumepata kutoka Puma wa zaidi ya shilingi milioni 120.”

“Oryx ni wadau wetu (sio wadhamini) wametupa zaidi ya shingi milioni 100,  hawataki kujionesha kama wanatudhamini kwa sababu program yao kubwa ya kuidhamini Singida United itaanza mwaka ujao. DTB Bank ni wadu wetu wengine waliotupa zaidi ya shilingi milioni 20, NMB wametupa milioni 10 kwa ajili ya kui-support klabu.”

Ukifanya hesabu ndogo hapo utagundua Singida United wanatengeneza zaidi ya shingi milioni 800 kwa mwaka kutoka kwa wadhamini na wadau wao sawa na kiasi inachopata klabu ya Simba kutoka kwa wadhamini wao SportPesa kwa mwaka wa kwanza wa udhamini huo

NMB na DTB ni kambuni mbili zenye ushindani wa kibiashara lakini wote wanaiunga mkono Singida United, hawa sio wadhamini ni wadau tu hawana mkataba wa udhamini na klabu hiyo.

Read More

Andre Iniesta aikana Barcelona

Hali ni mbaya ndani ya klabu ya Barcelona ambapo wanachama wameshaanza kutafuta saini ili kupiga kura ya kukosa imani na raisi wa klabu hiyo Josep Maria Bortomeu kutokana na mambo yanayoendelea ndani ya klabu hiyo.

Pamoja na ushindi mnono wa bao 5 kwa 0 dhidi ya Espanyol lakini bado hali ni tete kwa Bortomeu na kati ya mambo yanayomuweka njia panda ni suala la mikataba mipya ya Lioneil Messi na Iniesta ambayo inakarabia kuisha.

Wiki iliyopita mashabiki wa Barcelona kidogo walianza kutulia baada ya raisi wa klabu hiyo kuwaambia wameshakubaliana baadhi ya vitu kuhusu mkataba wa Iniesta na siku si nyingi kiungo huyo mkongwe atasaini.

Lakini kwa kauli yake Andre Iniesta amesema hajawahi kukubaliana kitu chochote na Barcelona kuhusu mkataba wake mpya, “inafahamika kukiwa na misingi ya makubaliano kila kitu kinakaribia kukamilika, lakini hadi sasa hakuna makubaliano yoyote” Iniesta.

Iniesta amesisitiza kwamba pamoja na yote yanayoendelea hivi sasa ndani ya klabu hiyo lakini yeye nia yake ni kucheza katika kiwango cha hali ya juu na kuisaidia klabu yake hiyo aliyoitumikia tangu mwaka 1996.

“Sijui lini nitafanya maamuzi na sijawahi kuwaza hilo, kichwa changu,mwili wangu kuna siku utafanya maamuzi, hapa ni nyumbani kwangu na hali ndio kama ilivyo tutaona nini kitatokea” alisema Iniesta.

Read More

“Natarajia kuwa na timu bora mara mbili ya Serengeti Boys iliyopita”-Kocha Milambo

Na Thomas Ng’itu

Kocha Oscar Milambo wa Serengeti Boys ametamba kutengeneza kikosi kipya cha Serengeti Boys na kuwa imara zaidi ya kikosi cha mara ya kwanza.

Milambo akipiga stori na ShafihDauda.co.tz alifunguka wameanza maandalizi ya mapema ili kupata kikosi imara kwaajili ya michuano ya chini ya miaka 17 inayotarajiwa kufanyika 2019 nchini Tanzania.

“Tulianza mapema kutafuta vijana muda mrefu,tulifanikiwa katika hilo kwasababu tumewaweka kambini baada ya michujo ya awali,lakini bado tunaendelea na mchujo zaidi kwasababu tunataka kufanya mambo makubwa zaidi,” Milambo.

Akizungumzia changamoto aliyokutana nayo, wachezaji wake kuchelewa kujiunga na kambi kutokana na kuwa katika mitihani, imewafanya kushindwa kwenda na kasi ya wenzao lakini hata hivyo amesisitiza kuliweka sawa jambo hilo.

“Wachezaji baadhi walikuwa wapo katika mitihani ya la saba,wasingeweza kuacha kufanya na tayari wameanza kuwasili na wengine leo wameanza mazoezi,bado hawajawa fiti kwasababu wenzao waliwatangulia lakini watakua poa.”

Milambo aliomba watanzania wawe nae bega kwa bega katika kuendeleza soka la vijana, huku akisisitiza kuwa anaamini watafanya vizuri katika michuano hii kutokana na kutokuwa na ugeni kama ilivyokuwa kwa mara yao ya kwanza kushiriki.

Read More

Wabunge Wanawake Kutoa Ushahidi wa Wanaume Waliotahiriwa Wanavyonogesha Tendo la Ndoa

Mbunge wa Konde, Khatibu Saidi Haji (CUF) amezua vicheko bungeni baada ya kuuliza swali ambalo linalohoji tafiti zinaonyesha kwamba wanaume waliotahiriwa wanakuwa active zaidi na wananogesha zaidi yale mambo (mapenzi).
Mbunge Khatibu ameuliza swali hilo leo bungeni mjini Dodoma, ambapo spika Ndugai alipinga kuwa hilo sio swali “hilo nalifuta sio swali sio swali” amesema Spika Ndugai.
“Tafiti zinaonyesha kwamba wanaume waliotahiriwa wanakuwa active zaidi na wananogesha zaidi yale mambo, Je Mhe. Spika katika hali hiyo wabunge wanawake kupitia bunge hili mtoe kidogo ushahidi wa haya wanaume waliokuwa hawajatahiriwa waige mfano huo?
alihoji Mbunge Khatibu.

Read More

Liverpool yakamilisha usajili wa Chamberlain

Ikiwa ni siku ya mwisho ya dirisha la usajili nchini Uingereza klabu ya Liverpool imekamilisha usajili wa kiungo wa kati Alex Oxlade-Chamberlain kutoka katika klabu ya Arsenal kwa kiasi cha pauni milioni 35.
Chamberlain mwenye umri wa miaka 24 awali alikuwa akiwindwa na mabigwa watetezi wa ligi kuu ya Uingereza Chelsea lakini alikataa uhamisho huo siku ya Jumanne na sasa amejiunga na Liverpool kwa mkataba wa miaka mitano ambapo atakuwa akipokea £120,000 kwa wiki.
Kiungo huyo wa kati ameichezea klabu ya Arsenal mara 198 tangu ajiunge nayo kutoka katika klabu ya Southampton mnamo mwezi Agosti mwaka 2011 na amefanikiwa kuifungia timu hiyo jumla ya mabao 20.
Diego Costa kusajiliwa kwa mkopo HispaniaXhaka, Mustafi, Perez na Calum Chambers wataikacha Arsenal?Kocha wa Liverpool Jurgen Klopp amesema kuwa anafurahi kumsajili mchezaji huyo mwenye uwezo mkubwa. Kocha hoyo ameongeza kuwa Chamberlain hakufanya maamuzi mepesi kuhama kutoka katika klabu kubwa lakini pia amefanya maamuzi maamuzi mazuri kwani amejiunga na klabu kubwa pia yenye vijana wenye vipaji.

Oxlade-Chamberlain akisaini mkataba
Tayari klabu ya Liverpool imemsajili winga Mohammed Salah kutoka Roma kwa pauni milioni 34, beki Andrew Robertson kutoka Hull City kwa pauni milioni 8 na mshambuliaji Dominic Solanke.

Read More

"Sethi Amewekwa Puto Tumboni" Kutokana na Matatizo ya Kiafya upande wa Utetezi Umeeleza

Upande wa utetezi umeieleza Mahakama ya Hakimu Mkazi Kisutu kuwa Mmiliki wa Kampuni ya kufua umeme ya IPTL, Harbinder Singh Sethi amewekewa ‘Puto’ tumboni kutokana na ugonjwa unaomkabili hivyo asipohudumiwa inavyotakiwa anaweza kupoteza maisha.

Mbali ya Seth, mwingine ni Mfanyabiashara James Rugemarila ambapo kwa pamoja wanakabiliwa na mashtaka 12, yakiwemo ya kutakatisha fedha na kuisababisha Serikali hasara ya TSh 309,461,300,158.

Wakili wa utetezi, Joseph Mwakandege amemueleza Hakimu Mkazi Mkuu, Huruma Shaidi kuwa mteja wake Seth anatakiwa apelekwe Hospital ya Taifa Muhimbili lakini hadi sasa hajapelekwa na ni dhahiri upande wa mashtaka umedharau amri mbili za Mahakama.

”Ugonjwa uliosababisha Seth atakiwe kwenda Muhimbili ni baada ya kufanyiwa upasuaji mkubwa ambapo tumboni kwake kumewekwa Balloon ‘Puto’ hivyo asipohudumiwa ipasavyo inaweza kusababisha kifo, naomba mshtakiwa apelekwe Muhimbili kwa sababu ni Hospitali ya juu na yenye vifaa na watalaamu wa kutosha“


Akijibu hoja hizo, Wakili wa Serikali Vitalis Peter amedai kuwa Magereza hawapangiwi wampeleke wapi mshtakiwa ambaye ni mgonjwa bali wana utaratibu, Hospitali na watalaam wao.

”Mshtakiwa alianza kupelekwa Hospital ya Magereza, kisha Hospital ya Amana ambapo alikutana na daktari mtalaam kutoka Muhimbili na aliweza kumuangalia afya yake, hivyo hoja ya kwamba hatujatekeleza amri ya Mahakama sio kweli.”

Baada ya kusema hayo, Hakimu Shahidi amesema alishatoa amri mara mbili kwamba Seth akatibiwe Muhimbili na kusisitiza akatibiwe >>>”Nasisitiza tena, mshtakiwa akatibiwe Muhimbili, sioni kama kuna sababu ya kulumbana, kesi imeahirishwa hadi September 14, 2017.”

Read More

BREAKING NEWS: Kamati ya Nidhamu TFF Yawatolea Tamko Msuva, Chirwa NA Kaseke

Kamati ya Nidhamu ya Shirikisho la Soka Tanzania (TFF) imemkuta na makosa ya utovu wa nidhamu aliyekuwa mshambuliaji wa Yanga anayekipiga nchini Morocco, Simon Msuva ambaye imempa onyo kali la barua.

Mbali na Msuva, wengine waliokuwa wakijadiliwa na kamati hiyo kwa utovu wa nidha kwenye michezo ya mwisho ya Ligi Kuu Tanzania Bara ni Obrey Chirwa (Yanga) na Deus Kaseke (Yanga) ambao wamesamehewa.

Read More

Breaking News: BASI LA SAFARI NJEMA LATEKETEA KWA MOTO LIKITOKA DODOMA KWENDA DAR

Basi la Safari Njema lililokuwa likitokea Dodoma kwenda Dar es salaa limeteketea kwa moto Kimara Stope Over.

 

Angalia video hapa chini Basi la Safari Njema likiteketea kwa moto

Read More

Tetemeko laporomosha majumba na kusababisha maafa makubwa.

Image copyright@MONKSOFNORCIA

Image captionInasemekana kuwa watawa walinusurika kwa kukimbia kutoka ndani ya kanisa hili la mtakatifu Benedict mjini Norcia lililoporomoka

Tetemeko lingine baya la ardhi, limegonga maeneo ya katikati mwa Italia, mahali ambapo watu 300 waliuwawa mwezi Agosti mwaka huu.

Idara ya Seisomologia nchini Italia inakadiria kuwa tetemeko hilo lilikuwa lenye nguvu ya 6.5 katika vipimo vya Richa, tetemeko baya zaidi tangu lilile lililoitetemesha Italia mwaka 1980, iliyowauwa watu elfu 2,400.

Image copyrightSABRINA FATAUZZI

Image captionMajumba yaliyonusurika tetemeko la Julya sasa yameporomoka

Tetemeko la sasa limeporomosha jengo la kale la kanisa la mtakatifu Benedict mjini Norcia, pale wamonaki na watawa walikuwa wamekusanyika.

Meya wa mji ulioko karibu wa Ussita- Marco Rinaldi, amesema kuwa alikodolea macho kuzimu, kwani kila kitu kilichomzunguka kiliporomoka akitazama.

Image copyright@FRANC_PETRUCCI

Image captionBarabara ya kuelekea Norcia imeharibiwa

Duru zasema kuwa mji wa Amatrice -ambao uliharibiwa na tetemeko la mwezi Agosti, limeharibiwa tena zaidi.

Taarifa ambazo bado hazijathibitishwa zasema kwamba watu tisa wamejeruhiwa lakini taarifa kuhusu vifo bado hazijatolewa.

Kitovu cha tetemeko hilo lilikuwa kusini mashariki mwa mji wa Perushia.

Read More

Mtu aliyevalia kama mti akamatwa Marekani

Image copyrightTED VARIPATIS/TWITTER

Mwanamume mmoja nchini Marekani, ambaye ameanza kufahamika kama "binadamu mti", alikamatwa baada yake kuvuka barabara akiwa amevalia kama mti.

Asher Woodworth, kutoka jimbo la Maine nchini Marekani, alijifunika kwa matawi na kuvuka barabara polepole.

Polisi walimsindikiza hadi kando mwa barabara kabla ya kumuweka kizuizini.

Asher baadaye aliachiliwa huru na polisi.

• Mwanamume 'aliyeota mizizi' Bangladesh

Aliambia BBC kwamba alikuwa akivuka barabara mara ya tatu pale alipokabiliwa na maafisa wa polisi.

Yeye ni mwigizaji mjini Portland, Maine.

Anasema: "Nilipata wazo hili nilipokuwa natafakari sana siku moja."

Anasema alikuwa anataka tu kuwashangaza watu kwa mavazi yake na kuwafanya "watafakari upya kuhusu matarajio yao".

Alikuwa ametumia matawi ya miti ya aina mbalimbali na anasema ilimchukua yeye na rafiki yake saa kadha kukamilisha vazi hilo.

Image copyrightTOTAL WASTE/TUMBLR

Image captionAlikuwa amepakia picha yenye vazi jingine linalokaribiana na hilo kwenye mtandao wa Tumblr mwezi uliopita

Anasema matawi ya miti aliyokuwa amevalia yalikuwa "yananukia".

Lakini mbona akaamua kuvalia matawi ya miti?

"Huwa nahisi nina uhusiano wa karibu na miti, naipenda sana," aliambia.

Alikuwa pia ametiwa moyo na mpiga picha Charles Freger, aliyepiga picha hii iliyo hapa chini.

Image copyrightTOTAL WASTE/TUMBLR

Image captionAsher Woodworth pia aliweka picha hii ukurasa wake wa Tumblr

Baada yake kukamatwa, Asher Woodworth anasema alikaa saa sita kizuizini kabla ya kuachiliwa huru Jumatatu.

Read More

Majina ya watu 4 matajiri zaidi Tanzania

Uchumi mkubwa wa Jamhuri ya Muungano wa Tanzania unategemea zaidi kilimo kwa takriban asilimia 25 ya pato la taifa na asilimia 85 bidhaa zinazouzwa nje ya nchi. Aidha, Tanzania ina madini kama dhahabu, almasi, makaa ya mawe, uraniamu, chuma, shaba, Tanzanite na mengine lukuki.

Toka kuaga sera za kijamaa katikati mwa miaka ya 1980, ambako pia Mwalimu Nyerere aling’atuka kupisha utekelezaji wa sera za kibepari, Tanzania imetengeneza matajiri wengi. Katika makala hii fupi, tumekusanya majina ya Watanzania wanne, ambao ndio matajiri wakubwa zaidi nchini Tanzania, kwa mujibu wa jarida maarufu duniani la Forbes.

4) Reginald Mengi – Thamani: $560 Million

Bwana Reginald Mengi ni mmiliki wa moja ya kampuni kubwa inayomiliki vyombo vya habari ya IPP  Media Group, yenye magazeti 11, stesheni za redio na TV na mitandao ya intaneti.

3) Said Salim Bakhresa – Thamani: $575 Million

Umri wake ni miaka 65, na yeye alianza mwenyewe mpaka kufikia hapo. Mfanyabiashara huyu ameanzisha Azam TV, yenye mfumo wa kulipia chaneli za TV Afrika ya Mashariki. Aliacha shule akiwa na miaka 14 na kuanza kuunza Mix (Urojo) na baadae kufungua mgahawa mdogo eneo la Livingstone Kariakoo jijini Dar Es Salaam, na kisha kuhamia katika biashara ya mazao ya kilimo. Katika miongo minne iliyopita  ameongeza mauzo yake kwa dola za kimarekani milioni 750, na kuifanya Bakhresa Group kuwa moja ya kampuni kubwa Afrika ya Mashariki kwa kuwa na wafanyakazi zaidi ya 5,000 na kujikita zaidi kwenye bidhaa za vinywaji na chakula, Upakiaji wa bidhaa, huduma za feri na Mafuta ya Petroli na usafirishaji.

2) Rostam Aziz –Thamani: $1 Billion

Mnamo mwezi Mei mwaka 2014 aliuza hisa zake 17% alizokuwa akimiliki katika kampuni ya Vodacom. Vile vile ana miliki kampuni Caspian Mining, inayojihusisha na uchimbani wa madini kwenye kampuni kubwa kama BHP Billiton na Barrick Gold. Kampuni hiyo ya Caspian Mining pia inamiliki sehemu kubwa ya ardhi yenye uwezekano wa kuwa na madini kama dhahabu, chuma na shaba hapa Tanzania. Aidha, Rostam ana hisa katika Bandari ya Dar es salaam ambapo yuko pamoja na Hutchison Whampoa na ana miliki sehemu ya ardhi kubwa hapa Tanzania, Dubai, Oman na Lebanon.

1) Mohammed Dewji – Net Worth: $1.3 Billion

Ana umri wa miaka 40, na ndio mdogo kuliko matajiri 50 wa Afrika yote kwa mfululizo wa miaka 3 sasa, ana miliki 75% ya kampuni ya METL Group, inayohusika na viwanda nchini humu iliyoanzishwa na Baba yake. Kizuri kuhusu Mohammed Dewji aliibadisha nyumba ya kufanyia manunuzi ya bidhaa za kilimo kuwa kiwanda cha uzalishaji.

Read More

Kwa Mara ya Kwanza Rais wa Tanzania John Pombe Magufuli Kutembelea Nchini Kenya....

Kwa mara ya kwanza Rais wa Tanzania John Pombe Magufuli, atazuru taifa jirani la Kenya hapo kesho Jumatatu.

Ziara ya Magufuli nchini humo, inatukia wakati ambapo uhusiano wa mataifa hayo mawili umekuwa ukilegea.

Kwenye ajenda ya ziara hiyo rasmi ya kiserikali, kati yake na mwenyeji wake Rais Uhuru Kenyatta, ni kuimarisha biashara kati ya mataifa hayo mawili, kwani Rais magufuli amekosa kuhudhuria mikitano mikuu miwili jijini Nairobi, iliyowaleta pamoja marais wengi wa Afrika.

Tangu aingie mamlakani mwezi Oktoba mwaka jana, Rais Magufuli ambaye ameamua kukabiliana na ufisadi nchini mwake amezuru tu Rwanda na Uganda.


Pia ziara ya Dkt Magufuli inahusia na hatua ya Rais Uhuru Kenyatta kumpendekeza waziri wa mashauri ya nchi za kigeni wa Kenya Amina Mohammed kwa kinyanganyiro cha wadhifa wa mwenyekiti wa muungano wa afrika-AU.

Tofauti na Tanzania, kashfa za mamilioni ya dola inafichuliwa mara kwa mara nchini Kenya, huku pesa za umma zikinyakuliwa na baadhi ya watu mashuhuri serikalini na walio na uhusiano wa karibu na watawala wa nchi hiyo.

Rais Uhuru Kenyatta atamkaribisha mgeni wake jijini Nairobi, baada ya Kenyatta kukamilisha ziara ya siku mbili huko Khartoum, alipokutana na Rais wa Sudan- Omar Al- Bashir.

Read More

TFDA yakamata dawa bandia zenye thamani ya shilingi milioni 17.4

Mamlaka ya Chakula na Dawa (TFDA) imekamata dawa bandia aina tano katika mikoa ya Kanda ya Ziwa na Nyanda za Juu Kusini. Miongoni mwa dawa hizo ni dawa za Malaria.

Akizungumza na waandishi wa habari Jumamosi hii, jijini Dar es salaam,Mkurugenzi mkuu wa TFDA, Hiiti Sillo,amesema mamlaka hiyo ilifanya utafiti katika kanda hizo baada ya kupata taarifa za uwepo wa dawa bandia kwenye maeneo ya mikoa ya Geita na Mara katika kipindi cha mwezi Agosti na Septemba mwaka huu.

“Uchunguzi wa awali umeonesha kuwa dawa hizi bandia zinatengenezwa hapa nchini katika makazi ya watu na maeneo mengine ya kificho ambapo zilizoisha matumizi huongezewa muda kwa kuondolewa lebo za zamani na kuwekwa mpya,”amesema.

“Maduka 17 yaliyokutwa na dawa bandia na dawa za serikali yamefungwa, dawa zimekamatwa na pia inafungua majalada 38 katika vituo vya polisi dhidi ya watuhumiwa,” ameongeza.

Amesema TFDA imekamata dawa hizo bandia zenye thamani ya shilingi milioni 17.4 ambapo mkoa wa Mbeya umetajwa kuwa na idadi nyingi ya dawa hizo.

Aidha Sillo ametaja maeneo yaliyofanyiwa ukaguzi kuwa ni pamoja na famasi, maghala ya dawa, zahanati, maduka ya dawa za mifugo na muhimu na kwamba jumla ya maeneo 207 yalifanyiwa ukaguzi.

Mnamo Oktoba 4 hadi 6 2016 TFDA ilifanya operesheni maalumu ya ukaguzi kwa lengo la kubaini, kukamata, kuziondoa katika soko na kuwachukulia hatua za kisheria wanaojihusisha na biashara ya dawa bandia za serikali, zisizosajiliwa, pamoja na dawa duni na zile zilizoisha muda wake wa matumizi.

Read More

Picha: Show ya Diamond Malawi yafana licha ya mvua kubwa kunyesha

Licha ya mvua kubwa kunyesha, Diamond amefanikiwa kupiga show iliyofana kwenye Sand Music Festival iliyofanyika kwenye fukwe za Living stone Jumamosi hii.

Mpiga picha wake, Kifesi amedai kuwa mvua kubwa ilinyesha na kulazimu show yake kusimama kwa muda. Hata hivyo mashabiki waliokuwa na hamu kumuona akitumbuiza, walisubiri hadi ilipokata.

Kwenye picha hii Kifesi ameandika: Picha juu ni usiku watu wakiwa na shauku ya Diamond but mvua ikanyesha, but walingoja hadi hali ilipotulia.. Picha chini na alfajiri saa 12 hali ilipotulia na Diamond kupanda na hakuna alokua kuchoka or kuondoka

Kwenye show hiyo Diamond alitumbuiza live. Hizi ni picha zaidi:

Read More

Magazeti ya Tanzania October 27, 2016 kuanzia, Udaku, Hardnews na michezo

Read More